الأماني....بلاش!

[هبدان]

السلام عليكم ورحمة الله وبركاته

الشاعر عبدالله عطيه الزهراني من الشعراء المعروفين وله معزه خاصه بنفسي واحببت ان اطرح بين ايديكم هذه الرائعه من روائع شعره عسى ان تحوز على رضاكم


كل شيّ بثمن إلا الأماني بلاش=احلمي يا عيوني قدّ ماتقدرين

ومدّ يا ساق طولك لين حدّ الفراش=لو تعدّيت حدّك عاقبتك السنين

اه ياكم طموح(ن) داخل الروح عاش=وان بغيت اوجده في واقعي مايبين!

كم احاول واحاول لكن الحظ ماش!=ما يجمّلني الحظ الردي ما يعين!

ولو يحقّق مطاليب الرجال...الهواش=كان هاوشت حتى ربعي الأقربين

لكن الرزق,واسباب الفنا والمعاش=كلها بيد واحد خالق العالمين!

كم قلوب(ن) سقاها الغيث لكن عطاش!=وكم قلوب(ن) تدوّر قطرة الما بدين!

حكمة الوقت ماتعرف اصيل(ن) ولاش=والعطايا...تقسّم بين(زين(ن),وشين)!

وساكنين القصور وساكنين العشاش=كلّهم لو تطول اعمارهم ...راحلين!!


تقبلو تحياتي

هبدان

[ابو دريع]

حكمـة الوقـت ماتعـرف اصـيـل(ن) ولاش
والعطايا...تقـسّـم بين(زين(ن),وشـيـن

الله الله

عز الله انه شاعر

والله يديم المعزه بنيكم

لا هنت يا هبدان

[طامي الرياحي]

اخوي هبدان
الف شكر على هذاء الاختيار الجميل
وصح لسان قائلها

[الزلفاوي]

هبدان والله العظيم قصيده مدمره
صح لسان قايلها وناقلها


كـم احـاول واحـاول لـكـن الـحـظ مــاش!
مــا يجمّلـنـي الـحـظ الــردي مــا يعـيـن!

ولـو يحـقّـق مطالـيـب الرجال...الـهـواش
كــان هـاوشـت حـتـى ربـعـي الأقربـيـن


يا الله
مشكوووور هبادن على القصيده الحلوه



اشكرك من قلبي