شالح بن هدلان

[مستفسر]

بعد التحيه اخواني من قبيله عنزه

اريد ان اسئل عن الشيخ شالح بن هدلان

هل هو من عنزه

كما ذكر ذالك ابن عبار في كتابه اصدق الدلائل

وشكرا

[راعي الهدلا]

حياك الله يالمستفسر في منتدى عنزة
وطلبك يالمستفسر على عيني وراسي
وهاك اللي اعرفه
هو شالح بن هدلان فارس مشهود له بالكرم وعزة النفس من قبيلة الخنافرة من قحطان وابنه الفارس المعروف ذيب بن شالح .

وقد رثا ابنه بقصيدة منها هاتين البيتين

ياذيب انا باوصيك لاتاكل الذيب **** كم ليلة(ن) عشاك عقب المجاعة

كم ليلة(ن) عشاك حرش العراقيب **** وكم شيخ قوم(ن)كزته لك ذراعه

وهذا الذي اعرفه عن شالح بن هدلان
اما من ناحية كتاب بن عبار فالمعروف ان ابن عبار كاتب كبير ومؤرخ عنزة الاول ولااعتقد انه يكتب مايعرفه من فراغ .

لكن انا على حد علمي انه من قحطان والله اعلم .

اتمنى ان اكون قد وفقت في الرد عليك يالمستفسر.

ودمت برعاية الله

[شملان الخنفري]

شالح بن هدلان قحطاني خنفري

وهذا شي معروف

واما الكاتب ابن عبار فلقد سمعت بكلامه

ومع احترامي فهو لا يعرف شيئ

[راعي الهدلا]

يالخنفري انا معاك ان شالح قحطاني

بس كذا بالدلة الكبيرة تقول ابن عبار مايعرف شي

إذا كان ابن عبار مايعرف شي عطنا اللي عندك ياسيد العارفين يالخنفري
وترى اسلوبك ماهو اسلوب ناس فاهمة (+)

[نواف العنزي]

السلام عليكم جميعا

صراحه انا دشيت وشفت السؤال وشفت الردود

راعي الهدلا ما قصرت وفيت وكفيت على ردك لمستفسر وهذا شي صحيح على كل كلمه قلتها


اما على الاخ شملان الخنفري يا اخ شملان انت اكبر من المستوى هذا من الالفاظ !!!!!

اولا لا انت ولا انا ولا كل واحد يقدر يقول على ابن عبااار شي

ابن عبااار معروف من ايام جدك وابوك مو انت اللي تعرفه او انك لحقت على القليل منه الله والعالم

لكن وانا اخوك ارفع نفسك عن الامور اللي مالها داعي

فيه كم بيت من قصيدة محمد القاضي فيها حكمه تقول :::-

الصبر محمود العواقب أفعاله **** والعقل أشرف ما تحلابه الحال
والصمت به سر سعد من يناله **** والهذر به شر وشوم وغربال
لا خير في اللي ما يصدق مقاله **** فعل بحالات قصيرات وطوال
والرجل بالواجب لسانه عقاله **** لي قال علم تم لو حال به حال

وانشاء الله انك تمر وتشوف المكتوب والنصائح


تحياااااتي لكم

[شملان الخنفري]

يشباب هدو الوضع
انت يارعي الهدلا تقول انه قحطاني صح

بس ان ابن عبار مهوب كاتب شي من فراغ

طيب باقول انه يكتب من فراغ

لان الجميع الذين دخلو يقرون انه قحطاني

[عبدالله النايف]

الأخ مستفسر شكرا على طرح السؤال
الأخ شملان الخنفري شالح ابن هدلان معلوم بأنه من الخنافرة من قحطان ونحن أبناء عنزة نعتز به لفروسيته وطيبه وكتاب أبطال من الصحراء يغني عن الكثير من الكلام هذا أولا أما ماذكره الأديب والشاعر عبدالله بن عبار العنزي فلقد ذكر بأنه سمع من فلانمن كبار الفدعان من عنزة بأن شالح بن هدلان من عنزة وهذا مجرد قول لاينفي نسبه لقحطان وشالح من الخنافرة من قحطان وكلام العوام لايقبل ولكل كاتب هفوة كما أن لكل جواد كبوة وأي شيء مالم يستند على دليل قاطع فلا يؤخذ به وتقبل احترامي