وقعه الضال بين عتيبه على قبائل سبيع والعجمان ومطير وغيرها من القبائل

[اخو ساره]

هذي وقعة الضال ( الدوادمي ) وحدثت عام 1292 للهجرة حيث سار فيها الأمام عبدالرحمن بن فيصل الى الدوادمي وكان معه العجمان واهل الخرج والوشم والدويش ومن معه من مطير وسبيع . وعند وصولهم الى الدوادمي وجدوا مسلط بن ربيعان وومحمد بن هندي بن حميد وهذال بن فهيد ومن معهم من قبائل عتيبه فالتحمت الجموع في معركة عظيمة و قتال شديد وأل النصر فيها لعتيبة.

القصائد : وقعة الضال من المعارك التي ورد ذكرها في كثير من القصائد ومنها :

* قصيدة مخلد القثامي الشهيرة والتي مر فيها على ذكر الوقعة ,,,


والفصل جا فاربع سنين مسماه
...................من عقبها سموى القبايل طنيني
منها النهار اللي على الضال واقصاه
........................من عجه الضلعان عيت تبيني
ومنها نهار فوق دلعه عبيناه
...................مع ايسر الهضبه عساها سنيني
ولد الدويشي فا لعويند كسرناه
........................يوم عليه ايشيب المرضعيني
وعلى طلال الدم الاشقر نثرناه
....................يومنهم جونا الضحى سارحيني

فالمعارك الواردة في الأبيات حدثت في أربع سنين متتالية كما ذكرها مخلد القثامي
والمعروف أن طلال عام 1290 والعويند الثانية عام 1288 ودلعة على الأرجح عام 1293 والضال (الدوادمي) 1292 هـ

قصيدة سهاج ابن غلاب ابن ربيعان الشهيرة والتي مر فيها أيضا على ذكر
الوقعة ,,,,

يقول الروقي اللي من ضميره يبدع الامثـــــــال
كلامٍ من صناديق الحشا يبداه رجالـــــــــــي

والا ياشيخنا ياعزنا تستاهل الفنجــــــــــــال
ماغيرك شيخ ياسقم العدا يا ماضي الافعالـــــــــــي

والا يانعم ياتركي الاصاب الذليل جفــــــــــــال
الاصاب الذليل جفال ترخص عمرك الغالــــــــــي

شعيب الحرمليه مر عود الموت له زلــــــــــزال
وبه جضع الجنايز كنهن جضع خشبٍ بالـــــــــي

وانا اوحيت الرعد واثر الرعد ضرب الرمك ورجال
عمود الحر ياللي فالحرايق يشعل اشعالــــــــي

وتناخينا بروق ولاحصل فينا ردي الخــــــــــال
وتخالطنا قبال بيوتهم لرجلي وخيالـــــــــــــي

وطلع بنحورنا واصل وجمعٍ للحروب عيــــــــال
ذبحناها عليهم عبيديه مالها امثالــــــــــــــــي

عيالٍ يلبسون الدرع والجوخ الحمر والشــــــال
ذبحناهم كما ذبح الضحايا بقدرة الوالـــــــــي

والا يانعم يامارق نهار ان الملح ينجـــــــــــال
يضف الخيل عنا الين يركبها على الجالـــــــي

وتذكر يامطيري وش جرالك في شعيب الضال
حريمك عندنا فالقيظ وانته رحت ختالـــــــــي

وعلى دلعا تليم لي هل الشرق وهل الشمال
وطردنا مسرح امه لين عقب روس الاقذالـــي

بعمود الحرب ريض يامطيري والليالي طوال
لك الله ماتريح من محمد هو وهذالــــــــــي

المصادر / كتاب العجمان وزعيمهم راكان بن حثلين ًص 77_78
الفه الظاهري
المصادر / تذكرة اولى النهى 1/125
المصادر / تحفة المستفيد 1/17
مصدر القصيده / شريط مسجل بصوت الباحث سعدون بن فهد الهرس


ومن المصادر الأخرى يقول العبيد بأختصار شديدفي مخطوطتة حوادث السنة 1292 " ثم أنه ــ أي عبدالرحمن الفيصل ــ عدا على عتيبة وهم على الدوادمي ورؤسائهم هذال بن فهيد الشيباني ومسلط بن ربيعان ومحمد بن هندي فصبحهم الأمام بمن معة من الجنود فأقتتلا قتال شديد ، وقتل من الفريقين عدة رجال ، فكانت الغلبة لعتيبة على الأمام عبدالرحمن ومن معة ، وأحتموا ( حلالهم ) عنة ورجع عنهم دون هزيمة " أنتهى كلام العبيد

[العتيبي]

جعلك سالم يا اخو ساره .. طرح ممتاز ويثلج الصدر ..

ننتظر المزيد من مثل هذه المشاركات اللي ترفع الراس ..

تقديري واحترامي ..

[بن جولان العنزى]

ماهى غريبة عليكم وما اظن ان مطير تنكر بعد كل هالمصادر

[ابو سبيع]

جعلك سالم يا اخو ساره .. طرح ممتاز ورائع ..
مشكور لك تقديري

[محمد بن حرب]

كــــــــــــــــــــــــــــفوا يالسبعان ونــــــــــــــــعم الأسياد داقين خشوم مطير

[قريشي وربي الله]

\
طيب وش جاب هالموضوع هنا
/
المفروض تنقلونه لقسم عتيبه
/
لاهنت

[صالح الفرجاني]

ما فيه داعي لنعرات الجاهلية والله
يقول تعالى(كنتم اعداء فالف بين قلوبكم فاصبحتم بنعمته اخوانا) صدق الله العظيم

[لبيد بن ربيعه]

وش جايب الموضوع هنا انقلوه لموقع عتيبه

بعدين المحايدين يقولون عتيبه ما هزمت الامام بس حفضت حلالها وقتل من الطرفين رجال عده

اذا بلا هياط يالعتبان تراكم كثر الجراد تنعكم كثرتكم والا حنا شوي يا سبيع وظفرين يقول

شاعر سبيع

يضدونا القبايل على قلنا === وحنا اذا جونا نسوي الهوايل

ودمتم بخير