لغز جديد من يحله له جائزة من صقر الخوالد

[صقر الخوالد]

بسم الله الرحمن الرحيم
السلام عليكم ورحمة الله وبركاته
اليكم هذا اللغز ومن يتوصل الى حله خلال خمس دقائق فله مكافأة
اللغز يقول

ياويش بنت فوق سن الثمانين=يشوفها العاشق بغاية صباها
عند البشر اخواتها بالملايين=ولو عمرها عشرين ماحد يباها
عند الزفاف ترافق البنت بنتين=قدامها وحدة ووحدة وراها

[نواف العنزي]

السلام عليك ورحمة الله وبركاته

صبحك الله بالخير

الحل طال عمرك



لوحة السياره اللي ورى وقدام


انشاء الله يكون هذا الحل وما تقصر يا صقر الخوالد وانشاء الله نشوف منك الكثير من المشاركااات


تحياااتي

[صقر الخوالد]

شكرا على مرورك اخوي نواف بس الحل ماهو صحيح حاول مرة اخرى

[ابو دريع]

لا والله الحل والله اعلم

انها الدله

لانها اذا زاد عمرها صارت غاليه

يعني الرسلان تغطي على السيف

والدله عند الناس بالملاين

وعند الزفاف يعني اذا قدمت الدله يصير معها كم من دله

هذا والله اعلم

[النمر]

ويش رائك في رقم صفر

[النمر]

ويش رائك في رقم صفر



او الالفيه(1000)

[صقر الخوالد]

مثل مايقول تلفون الجوال الرجاء المحاولة مرة اخرى والا هالجين ماحد صادها
شكرا على مروركم على اللغز واذا ماقدرتوا تحلونه علموني

[سعود الشاعل]

اخي العزيز صقر الخوالد
ان كان الحل خطى مشها لخوك


الحل ميه عشقها يعمي العين = واليوم بعض الناس تركض وراها

متعب خطى رجليه مثل المجانين = لا شافها زاده طمع لرفقاها

[النمر]

انا توقعت الصفر من احد الحلول عاد مدري صقراو 100او 1000

[صقر الخوالد]

صح لسانك اخوي سعود الشاعل وعزالله انك جبتها والحل 100ريال واخواتها بالملايين في البنوك وعند التجار الله يرزقهم
وماعليش يالنمر مازال فيه الغاز ماحلت
خلنا نحاول نحلها

[أجنفان]

السلام عليكم ورحمة الله وبركاته

يأخواني هذي السيارة وقد قيل هذا اللغز للدلاله على ان السيارة قبل موديل 80 لايريده أحد واليكم التحليل للغز:

ياويش بنت فوق سن الثمانين : أي السيارة موديلها فوق 80

يشوفها العاشق بغاية صباهـا : كان وقت وضع اللغز تعتبر موديل الثمانيين جديدة

عند البشر اخواتها بالملاييـن: خواتها السيارات الموجودة عند الناس

ولو عمرها عشرين ماحد يباها : يعني موديلها 20 مأحد يبي موديل 1920


عند الزفاف ترافق البنت بنتين : عند خروجها من الوكاله يجب تركيب اللوحتين

قدامها وحدة ووحـدة وراهـا : طبع توضع اللوحات وحدة بالمقدمة والأخر في مؤخرت السيارة.


هذا والله شهيد على كلامي وأن هذا اللغز طرح قبل سنين عديدة وحلة هو السيارة ولوخاته.

وسلامتكم

[صقر الخوالد]

حياك الله اخوي على مشاركتك وما ادري ان كان جوابك هو الصح لان من وضع اللغز واعطاني اياه اخبرني ان حله هو 100 ريال وجوابك ايضا معقول.بارك الله فيك اخي العزيز

[ابو دريع]

الا يصقر الخوالد

اشوف انك ما انتبهت لحلي :&"

انا اقول انها الدله

وهذا الي اعرفه

[ابن تغلب]

السلام عليكم .اللى اعرفه ان اللغز.............أنشدك عن عد*را يسن الثمانين....وليس....فوق الثمانين.........والله اعلم؟

[احزان شاعر]

السلام عليكم د
اخوي صقر الخوالد

الحل غلط
وانا اللي اعرف حلها

هي اللمبه اليت

يعني اللي لها ثمانين فولت

واللي عشرين فولت ماحد يبيها

واخواتها عند البشر بالملايين يعني في كل دول العالم لمبه

وهذا الحل الصحيح

وتقبلوا تحياتي

[احزان شاعر]

ياويش بنت فوق سن الثمانين لايشوفها العاشق بغاية صباهـا
الثمانين يعني الفولت
عند البشر اخواتها بالملاييـن ولو عمرها عشرين ماحد يباها
عشرين اللي لها عشرين فولت ماحد يبيبها

عند الزفاف ترافق البنت بنتين قدامها وحدة ووحـدة وراهـا

المبات تحط ثلاث او اربع جنب بعض

وهذا الحل الصحيح

وين الجائزه

[بنـ العسيري ـت]

السلام عليكم ورحمه الله وبركاته

ذي اول مشاركه لي معاكم بس شدني اللغز وحبيت احاول بالاجابة عنه

اعتقد ان الجواب والله العالم هي التمرة

لانها تكون تمره بعد ثمانين يوم ولاتصلح قبل العشرين وهي في العثق

عند الزفاف ( عندما يتناولها الشخص : يتناولها بين إصبعين وحدة قبلها

وواحدة بعدها )

سلامي للجميع

[سنيور]

اخوي صقر الخوالد

اعتقد الحل السيارة

ياويش بنت فوق سن الثمانين لايشوفها العاشق بغاية صباهـا
الثمانين يعني الموديل
عند البشر اخواتها بالملاييـن ولو عمرها عشرين ماحد يباها
يعني لو موديلها قديم ماحد يبيها

عند الزفاف ترافق البنت بنتين قدامها وحدة ووحـدة وراهـا

ترافق السيارة لوحتين

وتحياتي للجميع