الخالدي مبداه بالقول العجيب ****

[فواز العويضة]

( قم يانديبي )
=-=-=-=-=-=-=-=-=-=-=-=

بديت باسم الواحد الفرد الرقيب ***** والدين دين الله ومن يشرك كفر

الخالدي مبداه بالقـول العجيـب ***** مثايل يشتاقله راعي النظر

قـم يـانديبي فـوق عجلات الخبيب ***** حيل مراديم رعن نبت الزهر

هن منوة المشتاق بالدرب الصعيب ***** ومكلفات في مراسيل الخبر

تلقـى بنـي عمـي اكعـام للحريب ***** لارزت الرايات والنشر الخضر

خـوالـد تـرد المعـارك ماتهيـب ***** وردوا حياض الموت يوم الله ومر

بـامتـوجـات ضربهـن ضـرب عطـيب ***** ومشوكات ضربهن يفري النحر

وسيـوف هنـد تكسر العظم الصليب ***** مضرابها لاصاد عظم ماجبر

مـن ضرب جمـع لانطح جمع الحـريب ***** يوم الملاقى ماتتقي وإعتذر

يـوم إمتلى الميـدان شبان وشيب ***** ارعد رصاص سيله الدم الحمر

ياذيب ياللي بالخلا تقنـب قنيـب ***** تصبح من الشوان تنحاك الجعر

ابشر بصيد مـن بعيـد ومن قريـب ***** عقاير تاكل بها دب الدهر

ياهيه يالمجمـول ياعيـن الربيب ***** ياللي تحط الروس بالجلد العفر

لاتعــشقيـن الا مصليـت الحــريب ***** اللي فعايلهم يشد بها الظهر

من فـوق جال مريـخ شرقي القليب ***** حل المثارا واشتعل سو القهر

يلعب بها القاطع سعد لعب عجيب ***** بأفعــال ربعه شايف منها الدجر





*******************************
********************
************

قصيدة الشاعر الكبير/ سعـد بن راشـد القاطع الخالدي

[صقر الخوالد]

سلمت اخي فواز على هذه القصيدة للشاعر سعد القاطع الخالدي
بارك الله فيك وصح لسانك ولسان قائلها

[مهند العشيش]

اخي العزيز / فواز ,, يعطيك الف عافيه على هالقصيده ويسلم ذوقك , وصح السانك والسان الشاعر الله يرحمه .

[فواز العويضة]

اللة يسلمكم يالاخوان.

وشاكر مروركم.........

[سعود الشاعل]

الاخ فواز

كثر الله من امثالك

ومشكور على اختيار هذه القصيده

للشاعر سعد القاطع الخالدي رحمه الله

اخوك سعود الشاعل

[سيف القاضي]

الله يرحم الشاعر وماقصرت يابن العم