هذه أمجاد الظفيـــــــــر يا الربع

[الزلفاوي]

بعض من
امجادنا
اسمعوا واعرفوا :
هذولا الظفيـــــر


ما دام كلٍ يفتخر بالطـول أنـا مانـي قصيـر
نعمٍ باجواد العرب وأنـا بعـد / هـم أجـودي


ماني ردي واللي بعـث للعالـم محمـد نذيـر
ولاهوب عيبٍ لاذكرت أفعال ربعـي وسنـدي


شب القصايد واشعل الساحة كما البرق المنيـر
دامه فخر حنا الفخر اسمع قصيـدي ومقصـدي


لي لابةٍ ما تشحذ الامجـاد مـن نـذل وحقيـر
لابـة تعلـى اسمهـا فـوق الثريـا والجـدي


اسطورة ومجد انبنـا تاريـخ وامجـاد الظفيـر
أسال وانا ماجاوبـك اسمـع جـواب المعتـدي


يقول لك شيٍ مضى شيب به الطفـل الصغيـر
يوم ( اللقا ) فيه العمر كم واحـدٍ ساقـه فـدي


كم راس شيخٍ منحني من ضربة السيف الشطير
وكم من هنوفٍ خدها من الدمع رويـان ونـدي


واسال عن أمر الحثربي ان كان لك قلبٍ ضرير
والله لـولا الله وثـم شيوخنـا كـان يـغـدي


الله يقبـل حجـة دغيمـه جزاهـا الله بخـيـر
قالت ( بويتي ) بالعهد غايب دغيـم يـا ولـدي


قال ازبن بويت العجوز وصف راسك لا يحيـر
حنا بعون الله فداك وصـاح ماجـد يـا بعـدي


واسال عن اللي بطنيته قد مات من شان البعيـر
قصيرته يوم انتخت يا ( عقوب ) تكفى يا سندي


وابيك تسال من ذبـح ضنـوة فـواده للقصيـر
ويقول اذبح ضنوتـي دامـه كسانـي باسـودي


اليا سمعت اسم شعطان الموت بعروقـك يسيـر
تقرا الشهاده وتستخر وان عشت تذبحلك فـدي


سبعة جمـوعٍ كوّنـت بركـان شـرٍ مستطيـر
الـورع فينـا لازعـل كفـه لسيفـه يهـتـدي


خيال القروى لانتخا ابن سويط باليـوم العسيـر
لاثار بركان الغضـب سرنـا ولاحـدٍ يقعـدي


حنا هل الفعل الكبير اكبـر كثيـر مـن الكبيـر
حنا هـل الفعـل الـذي عدواننـا فيـه تحـدي


{ والله لنهب عشقتي وازبـن بهـا يـم الظفيـر
ازبن معطرت النمش } يا شيـن قالوهـا حـدي


فينا شيوخٍ لانتخـت الطيـر مـا يقـدر يطيـر
وان جاك اخو سلمى غدا ليلك سواده سرمـدي


ضنوت حسن فعلٍ حسن راس الكرم شر وشرير
واليا حضر كلٍ سكت صارت بسـاطٍ احمـدي


وان جاك اخو طفله غدا من يسلم طعونه كسيـر
من شان ابن سدره طنا ثم قال موتـي بمرقـدي


سوالفٍ أكثر كثير مـن الحكـي واكثـر كثيـر
متفرقـه ياقوتـهـا والماسـهـا وزبـرجـدي


حنا المنايا سهومنا تفرق عشيـرٍ عـن عشيـر
وحنا الولد فينا على كسـب النواميـس يعـدي


وحنا نقلط ضيفنا على الصحـن مالـه خشيـر
وحنا غزينـا باهلنـا وكـلٍ يصـوت يجهـدي


منهو يسـوي سواتنـا بالـدور الأول والأخيـر
وش عاد لو فينا ردي مابه عـرب مابـه ردي


نمشي على نهج النبي واللـي بنهجـه مستنيـر
واسلامنـا هـو ديننـا وبكتـاب ربـي نقتـدي


قلته وانا اللي من نسل[عايذ]علـى شـرٍ وخيـر
اللي عزيـزٍ جارهـا والقـول جـاك موكـدي


وان كان صار المسألة تفخر وأنا أسكت مايصير
نعمٍ باجواد العرب وانـا بعـد / هـم اجـودي






الشاعـر : ماجـد بــن محـمـد العـايـذي